ماذا نقصد بالأصنام الفكرية؟
أنه الرؤية والتصور الشخصي الذي تخلقه البيئة المحيطة أو الإنسان نفسه هذى الفكرة تكون مسيطرة على الإنسان إلى حد كبير جدا لدرجة انه يعتقد انه من المستحيل تغيرها
لذلك لكي تحقق أهدافك الشخصية فى الحياة يجب أن تكسر اعتقاداتك في انك غير قادر على فعل اى أمر يوصلك إلى اهدافك.
يا تري بتعاني من مشكلة الاصنام الفكرية على مستواك الشخصي وعلى مستوي المجتمع ولا لا ؟؟؟؟؟؟؟؟؟؟؟؟؟
تعالوا نسمع رسول الله صلي الله عليه وسلم حينما قال
( لا يكن أحدكم إمعة يقول إن أحسن الناس أحسنت وإن أساءوا أسأت ولكن وطنوا أنفسكم إن أحسن الناس أن تحسنوا وإن أساءوا أن تتجنبوا إساءتهم )
طيب عارفين قصة الست اللي كانت بتقسم السمكة نصفين عشان تقليها ولما شافتها صديقتها قالت لها ليه بتقسمى السمكة نصفين؟؟
قالت كدة
قالت لها يعنى ايه كده اكيد فى سبب قالت هو كدة انا شفت ماما بتعمل كده ويمكن بيعطيها مذاق اكثر
صديقتها سالت الأم ليه بتقسمى السمكة نصفين لما تقليها
قالت كدة
قالت ايه السبب قالت هو كده أنا شفت ماما بتعمل كدة ويمكن بيعطيها مذاق أكثر
الصديقة سالت الجدة ليه بتقسمى السمكة نصفين وانتى بتقليها قالت يا بنتي ( الطاسة اللي فيها الزيت ضيقة فكان لازم اقسم السمكة نصفين بس )
يعنى الموضوع كله صنم فكري متوارث وأفكار متوارثة مش لازم تبقى خاطئة على طول الخط ومش لازم برده تبقى صحيحة على طول الخط
بس أنا عايز أقول في حاجات كتير أوي أوي في حياتنا ورثناها وهي مغلوطات يمكن نكون ورثناها من أبائنا أو أمهاتنا أو من الإعلام أو من الشارع أو من الأصدقاء
تيجى ناخد مثال
-----------------
- إن بتوع طب ناس صميمة ودماغهم مقفلة
- إن بتوع هندسة دول ناس اذكياء خارقين
- إن المتفوقين دول فئة خاصة جدا مينفعش أكون منهم
- إن الدين لله والوطن للجميع
- لو فى حذاء مقلوب على الأرض لازم نعدله
- ان الحظ مع ناس وضد ناس
- ان الفلسطينيين دول يتساهلوا لأنهم باعوا أرضهم
- ان الإخوان معاهم سلاح أو بتوع سلطة وحكم
وكتييييييييييييير يا شباب من أفكار ورثناها وإحنا محكمناش عليها (يمكن تكون صح ويمكن غلط )قبل ما ندخلها عقلنا وللأسف أصبحت قوانين عندنا بنمشي بيها وبنحكم بيها على ناس
إرسال تعليق